२८ भाद्र २०८०, बिहीबार
२८ भदाै, झापा । दूई महिना अघिदेखि झापामा फैलिएको डेंगु रोग नियन्त्रणमा आउन सकेको छैन । डेंगुका कारण झापामा थप एक बिरामीको मृत्यु भएको छ ।
बिर्तामोड नगरपालिका –५ मा डेंगु संक्रमणबाट एक जना महिलाको मृत्यु भएको स्वास्थ्य कार्यालय झापाले जनाएको छ । एबीसी नेपालका अध्यक्ष कन्चना ढकालका अनुसार बहालमा बस्ने भारत घर भएकी करिव ३५ वर्षीया महिलाको डेंगुको संक्रमणबाट आज मुत्यु भएको हो ।
डेंगु संक्रमण भएको पुष्टि भएपछि उपचारका लागि भारतको सिलगुढी लैजाँदै गर्दा ती महिलाको मृत्यु भएको पनि उनले बताए । बिर्तामोडमा डेंगी संक्रमणबाट मृत्यु हुनेको संख्या तीन पुगेको जनाइएको छ ।
पछिल्लो समयमा डेंगुका कारण साउन यता झापामा ६ जनाको मृत्यु भइसकेको छ । जिल्लामा डेंगु संक्रमितको संख्या २ हजार ४३९ रहेको स्वास्थ्य कार्यालय झापाका तथ्याङ्क अधिकृत चुडामणि लुइटेलले जनाए । ७ हजार ३८ जनाको परीक्षण गर्दा यो संख्या निस्केको हो ।
प्रकाशित मिति: २८ भाद्र २०८०, बिहीबार
