२८ भाद्र २०८०, बिहीबार
२८ भदाै, दार्चुला । महाकाली नदीमा हाम फालेर एक पुरुष बेपत्ता भएका छन् । दार्चुला सदरमुकाम खलंगास्थित नेपाल-भारत जोड्ने झोलुङ्गे पुलबाट हाम फालेका उनी बेपत्ता भएका हुन् ।
खलंगाबाट भारतीय बजार जाँदै गर्दा भारतीय प्रहरी एसएसबीले पहिचान खुल्ने कागज पत्र मागेपछि उनले बीच पुलबाटै महाकाली नदीमा हाम फालेको बताइएको छ ।
तर, प्रहरीले एक पुरूष महाकालीमा हाम फालेका जानकारी प्राप्त भएको तर एसएसबीले फर्काएको बारेमा आधिकारिक जानकारी नआएको बताएको छ ।
नदीमा हाम फालेका पुरूषको परिचय खुल्न बाँकी रहेको छ । उनी दार्चुलाको लास्कुको भएको बताइएको छ ।
प्रकाशित मिति: २८ भाद्र २०८०, बिहीबार
