२५ भाद्र २०८०, सोमबार
भदौ २५ काठमाडौँ । विवेकशील साझा पार्टीको कोशी प्रदेश प्रथम अधिवेशन आगामी असोज १३ गते पूर्वको आधुनिक नगरी ईटहरीमा हुने तय भएको छ। विवेकशील साझा पार्टी १ नं प्रदेश आयोजक समितिको हालैको बैठकले “पहिचानको सम्मान, सहिष्णुताको संबर्धन” मूल नाराका साथ प्रदेश अधिवेशन गर्न लागेको हो।
मिडिया ब्यबस्थापन समितिका संयोजक चिरञ्जीवी रेग्मीका अनुसार प्रदेश अधिवेशन तयारीका लागि विभिन्न समिति तथा उप समिति गठन गरिएको छ। अधिवेशनले प्रादेशिक रणनीति,कार्यक्रम तथा नयाँ नेतृत्व समेत चयन गर्ने छ।
गत माघमा विवेकशील साझा पार्टीको संघीय अधिवेशन सम्पन्न भएसंगै पार्टीले संस्थागत स्वरुप कायम गर्दै अघि बढीरहेको छ। पार्टीले हालेै वागमती प्रादेशिक अधिवेशन सम्पन्न गरे लगतै १ नं प्रदेशको अधिवेशन हुन लागेको हो।
प्रकाशित मिति: २५ भाद्र २०८०, सोमबार
