७ भाद्र २०८०, बिहीबार
७ ,भाद्र ,काठमाडौँ । बाल साहित्य समाजका पूर्वअध्यक्ष एवं बाल साहित्यकार तेजप्रकाश श्रेष्ठलाई जयपृथ्वीबहादुर सिंह सम्मान प्रदान गरिएको छ ।
राष्ट्रिय विभूति जयपृथ्वीबहादुर सिंहको एक सय ४७औँ जन्मजयन्तीका अवसरमा उनलाई उक्त सम्मान प्रदान गरिएको हो ।
नेपाल प्रज्ञा प्रतिष्ठान, नेपाल बाल साहित्य समाज र ह्युमानिज्म एन्ड जयपृथ्वीबहादुर फाउन्डेसनको सहकार्यमा आज यहाँ आयोजित कार्यक्रममा चित्रकलातर्फको पुरस्कार आश्रिती श्रेष्ठ र साहित्यतर्फको पुरस्कार समर्पण न्यौपानेलाई प्रदान गरिएको हो ।
प्रतिष्ठानका कुलपति भूपाल राईले उहाँहरुलाई सम्मान तथा पुरस्कार प्रदान गरेका थिए ।
प्रकाशित मिति: ७ भाद्र २०८०, बिहीबार
