२८ श्रावण २०८०, आईतवार
२८ श्रावण, दाङ । दाङमा खोलाले बगाउँदा ६४ वर्षीय एक वृद्ध बेपत्ता भएका छन् । जिल्ला प्रहरी कार्यालय दाङका सूचना अधिकारी एवम् प्रहरी नायब उपरीक्षक राजनकुमार गौतमले घोराही उपमहानगरपालिका–११ झमरे निवासी ६४ वर्षीय तिलकराम विकलाई पत्रे खोलाले बगाएर बेपत्ता बनाएको जानकारी दिएका छन् ।
उनका अनुसार घर नजिकै रहेको पत्रे खोलाले विकलाई बिहान ८ः३० बजेतिर बगाएको थियो । प्रहरी नायब उपरीक्षक गौतमले भने, ‘‘घरमा शौचालय नभएका कारण पिसाब फेर्न सधैँ खोला जाने गरेका थिए, त्यही क्रममा आज खोला गएको समयमा विकलाई खोलाले बगाएको भन्ने खुलेको छ । अहिले बेपत्ता विकको खोजी कार्य भइरहेको छ ।’’
बेपत्ता विकको खोजीका लागि प्रहरी परिचालन भएको प्रहरी नायब उपरीक्षक गौतमले जानकारी दिए ।
प्रकाशित मिति: २८ श्रावण २०८०, आईतवार
