२२ श्रावण २०८०, सोमबार
२२ श्रावण, काठमाडाैँ । राष्ट्रिय स्वतन्त्र पार्टीका सभापति रवि लामिछानेले सरोकारका कयौं मुद्दामा छलफल र निर्णय गर्नु पर्ने अवस्थामा पनि संसद चल्न नदिएको भन्दै आक्रोश पोखेका छन् ।
सोमबार सामाजिक सञ्जालमा लेख्दै उनले संसद नचलेर बार्गेनिङमात्रै चल्ने गरेको समेत बताएका छन् ।
उनले समाजिक सञ्जालमा लेखेका छन्, ‘वर्षौं देखि देशलाई कसरी प्यारलाईज्ड् गरिएको रहेछ भन्ने राम्ररी बुझ्दैछौं। कयौं कानुन बनाउनु पर्ने छ, कयौं कानुनमा संशोधन छ्न्। जन सरोकारका कयौं मुद्दामा छलफल र निर्णय गर्नु छ। तर संसद चल्दैन, बार्गेनिङ चल्छ, मात्र बार्गेनिङ। दु:खद..’
संसदमा एमालेको निरन्तर विरोधका कारण संसद् बैठक स्थगित भइरहेको छ । सोमबार पनि सभामुख देवराज घिमिरेको सक्रियतामा तीन दलका शीर्ष नेताहरूको बैठक बसेको छ । तर, अहिलेसम्म सहमित जुट्न सकेको छैन ।
एक क्विन्टल सुन प्रकरणमा छानबिन समिति गठन गर्नुपर्ने माग राख्दै प्रमुख प्रतिपक्षी दल एमालेले निरन्तर अवरोध गरिरहेको छ ।
प्रकाशित मिति: २२ श्रावण २०८०, सोमबार
