१७ श्रावण २०८०, बुधबार
१७ श्रावण, काठमाडाैँ । नेकपा एमालेका अध्यक्ष केपी शर्मा ओलीले सरकारले संसद बैठक स्थगित गर्न सभामुखलाई दबाब दिएको बताएका छन् । मंगलबार बोलाइएको बैठक पनि सरकारकै दबाबमा स्थगित गरिएको उनले बताएका छन् ।
उनले भनेका छन्, ‘बालुवाटारमा भएको सहमति संसद भवन आउँदा बिथोलिन्छ। हामीले बैठक सञ्चाल गरेर सांसदलाई जनताको आवाज राख्न दिनुस् भनौं। सरकारले सभामुखलाई दबाब दिन्छ, तपाईँले सूचना टाँसेर रोक्नुस् भनेर ।’
अध्यक्ष ओलीले संसद बैठक एमालेका कारण नभइ सरकारका कारण रोकिएको बताएका छन् ।
उनले गृहमन्त्रीको अभिव्यक्तिहरू बकवास रहेको बताए। सुन तस्करी प्रकरणमा गृहमन्त्री नारायणकाजी श्रेष्ठले बकवास गरेको उनको भनाइ छ। ‘हामी संसद सञ्चालनका लागि तयार हुन्छौं। तर गृहमन्त्रीमात्र बोल्ने कुरा हुन्छ। जो हरेक प्रकारमा बकवास गरेर अरुतिर लाञ्छना लगाउँछ उसले बोल्ने रे, अनि सांसदले बोल्न नपाउने रे?,’ ओलीले भनेका छन् ।
प्रकाशित मिति: १७ श्रावण २०८०, बुधबार
