११ श्रावण २०८०, बिहीबार
११ ,श्रावण ,धनगढी । कैलालीमा ठूलो परिणामको लागू औषध खैरो हेरोईनसहित प्रहरीले दुई जनालाई पक्राउ गरेको छ।
विशेष सूचनाका आधारमा इलाका प्रहरी कार्यालय मालाखेतीबाट खटिएको टोलीले बिहीबार गोदावरी नगरपालिका-८ स्याउलेबाट दुई जनालाई पक्राउ गरिएको इप्रकाका प्रमुख प्रहरी नायब उपरीक्षक(डीएसपी) गणेश बरालले जानकारी दिए ।
पक्राउ पर्नेमा स्याउले बजारमा चम्फा ट्याक्टरको पाटपुर्जा पसल गरी बस्ने धनगढी उपमहानगरपालिका-५ हसनपुरका ३२ वर्षीय सरद चौधरी र सोही ठाँउमा जेयसके फेन्सी स्टोर पसल सञ्चालन गर्दै आएका ३२ वर्षीय मधुसुदन पन्त रहेको डीएसपी बरालले बताए ।
चौधरीको साथबाट ६ग्राम ७९० मिलीग्राम र पन्तको साथबाट २४० मिलिग्राम गरेर ७ ग्राम ३० मिलिग्राम खैरो हिरोईन बरामद गरिएको छ । उनीहरू दुवै जनालाई नियन्त्रणमा लिएर अनुसन्धान भइरहेको प्रहरीले जनाएको छ ।
प्रकाशित मिति: ११ श्रावण २०८०, बिहीबार
