८ श्रावण २०८०, सोमबार
८ श्रावण, पोखरा । सोनी शर्मालाई शिक्षासेवी स्व .हरिशचन्द्र वाग्ले क्रियाशील महिला पत्रकारिता पुरस्कार २०७९ प्रदान गरिएको छ । नेपाल पत्रकार महासंघ गण्डकी प्रदेश समितिकी उपाध्यक्ष शर्मालाई उक्त पुरस्कार प्रदान गरिएको हो ।
पत्रकार शर्मा नगद ११ हजार १११ रुपैयाँसहित सम्मानपत्रले सम्मानित भएकी छन् ।
उनी करीब दुई दशकदेखि पत्रकारितामा सक्रिय छिन् । शुक्रबार पोखरामा आयोजित सम्मान समाराेहमा गण्डकी प्रदेशका मुख्यमन्त्री सुरेन्द्रराज पाण्डेले पुरस्कार प्रदान गरे ।
पुरस्कार वितरण समारोहमा मुख्यमन्त्री पाण्डेले केही युट्युव च्यानल र पत्रकारहरुका गतिविधिका कारण पत्रकारिताक्षेत्र बद्नाम हुँदै गएको टिप्पणी गरे ।
प्रकाशित मिति: ८ श्रावण २०८०, सोमबार
