५  ,श्रावण ,काठमाडौँ । सन्दीप क्षेत्रीले सञ्चालन गरेको ह्वाट द फ्लप’ कार्यक्रम  विवादमा तानिएपछि कान्तिपुर टेलिभिजनले कार्यक्रम बन्द गरेको छ।

नाबालिग बलात्कारको आरोपमा जिल्ला र उच्च अदालतबाट सफाइ पाएका अभिनेता कलाकार पल शाहलाई संगको कुराकानी मा उनले बलात्कारलाई मजाकको विषय बनाएको आरोप लागेको छ । असार २३ गते प्रशारित शो संस्थाको सम्पादकीय नीतिविपरीत रहेको कान्तिपुर टेलिभिजनले जनाएको छ ।

बलात्कारजस्तो संवेदनशील विषयलाई राष्ट्रिय टेलिभिजनमा मजाकको विषय बनाइएको भन्दै आलोचना हुँदै आएको छ। सोहीअनुसार उक्त सामग्री युट्युबबाट हटाउँदै कान्तिपुर टेलिभिजनले महिलाको स्वाभिमान र समाजको चेतनालाई सम्मान गर्दै कार्यक्रमका उत्पादन र प्रशारण पूर्णत रोकिएको जानकारी गराएको हो ।