३ श्रावण २०८०, बुधबार
३ ,श्रावण ,काठमाडौँ । सार्वजनिक जग्गा अतिक्रमण गरेर भद्रकुमारी घले सेवा सदन सञ्चालन गरेकाे भन्दै अनामनगरस्थित देवीनगरमा रहेको भद्रकुमारी घले सेवा सदनको संरचना काठमाडौं महानगरपालिकाले भत्काएको छ । नगरप्रहरीले तीन दिन अघि उक्त भवन खाली गर्न अल्टिमेटम दिएकाे थियाे । तीनभित्र पनि उक्त भवन खाली नगराएपछि नगरप्रहरीले डोजर चलाएको महानगरले जनाएको छ ।
२०६२ साल देखि संचालन मा रहेको आश्रम मा असहाय अशक्त वृद्धवृद्धाहरुलाई आश्रित थिए ति आश्रितहरु लाइ मानव सेवा आश्रममा पठाइने उनले बताए । साथै यहाँ रहेको विद्यालयको व्यवस्थापन महानगरको शिक्षा विभागले गर्नेछ ।
सदनमा रहेको अनधिकृत संरचना सबै हट्ने बताउदै ठूलो संख्यामा प्रहरी समेत परिचालन गरिएपछि संग्रहालयमा भएका समान हरु सुरक्षित रुपमा घर पुराइदिन भद्रकुमारी घलेले महानगरलाइ अनुरोध गरेकी छिन् उनको अनुरोध अनुसार नगरप्रहरीले गाडी बोलाएर संग्रालयको सामान घरमा पुयाईदिन लागेकोछ ।
प्रकाशित मिति: ३ श्रावण २०८०, बुधबार
