२६ असार २०८०, मंगलवार
२६ असार, काठमाडाैँ । नेकपा एमालेका अध्यक्ष केपी शर्मा ओलीले सरकारले भ्रष्टाचारविरुद्धको ‘स्टन्टबाजी’ मात्र गरिरहेको बताएका छन् ।
मंगलबार नेकपा एमाले वागमती संगठन कमिटीको सातौँ बैठकलाई सम्बोधन गर्दै ओलीले भ्रष्टाचारीलाई कारबाही हुन्छ भनेर विश्वास गर्न नसकिने बताएका हुन् ।
उनले भनेका छन्, ‘यो तमासा सरकारले जे गरिरहेको छ, जनतालाई भ्रम दिएर वाहीवाही गर्ने षड्यन्त्रमात्रै हो यसबाट केही हुनेवाला छैन । जहाँ ताक्न खोजेको त्यहाँ लाग्नेवाला नै छैन । यिनीहरुले के गर्छन् अन्त ? ‘
उनले सरकारले भ्रष्टाचार नियन्त्रण गर्छु भन्नु भित्तामा हानेको भकुन्डो आफैंलाई लाग्ने जस्तो भएको बताउँदै भने, ‘यिनीहरुले भकुण्डो भित्तामा हान्छन् भित्ताबाट भकुण्डो फर्केर आफ्नै टाउकामा लाग्छ । अर्कोलाई हान्न खोज्छन् तर आफ्नै टाउकामा लाग्छ । त्यसो भएपछि यिनीहरुले केही गर्ने होइनन् यो सबै स्टन्ट हो ।’
प्रकाशित मिति: २६ असार २०८०, मंगलवार
