२४ असार २०८०, आईतवार
२४ असार, काठमाडाैँ । राष्ट्रिय स्वतन्त्र पार्टीका सभापति रवि लामिछानेले तीन नेताको मुडमा संसद् नचल्ने बताएका छन् ।
आइतबार तीन ठूला दलका शीर्ष नेताहरूबिच संसद् चल्न दिने सहमति भएसँगै लामिछानेले यस्तो बताएका हुन् ।
आइतबार संसद् भवन परिसरमा पत्रकारहरूसँग कुराकानी गर्दै उनले भने, ‘प्रधानमन्त्रीले अशोभनीय कुरा बोल्नु भयो। गम्भीर विषय बोल्नु भयो। यसबारे जवाफ दिनुपर्छ। सार्वभौम प्रधानमन्त्रीले अमुक मानिस मलाई प्रधानमन्त्री बनाउन दिल्ली जानुभयो भन्नेजस्ता कुरा बोल्नुभयो, त्यो कुरा अत्यन्त गम्भीर छ। त्यसको जवाफ उहाँले दिनुपर्छ।’
प्रकाशित मिति: २४ असार २०८०, आईतवार
