२३ असार २०८०, शनिबार
२३ असार, काठमाडाैँ । नेकपा एमालेका महासचिव शंकर पोखरेलले पार्टीले अहिले सत्तामा जानेबारे ध्यान नदिएको बताएका छन् ।
कमजोरहरूको सहकार्यबाट राष्ट्र निर्माण हुन नसक्ने भएकाले अहिले एमालेले सत्ताप्रति कुनै चासो र प्राथमिकता नरहेको बताएका हुन् ।
नेकपा (एमाले) रामेछाप–काठमाडौं सम्पर्क मञ्चको शनिवार काठमाडौंमा आयोजना गरेको एक कार्यक्रममा बोल्दै उनले भने, ‘अहिले सत्तामा हेर्नुहुन्छ भने जो कमजोर छ उसैले शासन गर्ने। के जनताको जनादेश त्यस्तै हो ? प्रतिनिधिसभामा नेपाली कांग्रेस पहिलो दल छ, नेकपा एमाले दोश्रो दल छ । माअोवादी धेरै तल तेश्रो दलको रूपमा छ । तर, सरकारको नेतृत्व कसले गर्दैछ ? तेश्रो दलले गर्दैछ ।’
प्रकाशित मिति: २३ असार २०८०, शनिबार
