१५ असार २०८०, शुक्रबार
१५ असार, काठमाडाैँ । कोशी प्रदेशमा नेकपा एमाले नेतृत्वको सरकार ढलेको छ । शुक्रबार मुख्यमन्त्री हिक्मतबहादुर कार्कीले विश्वासको मत नपाएपछि कोशी प्रदेशमा पनि एमाले सरकार ढलेको हो ।
मुख्यमन्त्रीले प्रदेश सभामा पेश गरेको विश्वासको मतसम्बन्धी प्रस्तावको पक्षमा ४६ मत र विपक्षमा ४३ मत परेको थियो । त्यस्तै, जसपाकी सांसद् भने बैठकमा अनुपस्थित थिइन् ।
कार्कीको मुख्यमन्त्री पद जोगाउन ४७ मत आवश्यक थियो । तर, एमालेका एमालेका ४० र सत्ता साझेदार राप्रपाका ६ जनाले पक्षमा मतदान गर्दा एक मत नपुगेर कार्की नेतृत्वको सरकार ढलेको छ ।
मुख्यमन्त्री कार्कीको विपक्षमा नेपाली कांग्रेस, माओवादी केन्द्र, एकीकृत समाजवादीले मतदान गरेका थिए ।
प्रकाशित मिति: १५ असार २०८०, शुक्रबार
