९ जेष्ठ २०८०, मंगलवार
९ जेठ, राैतहट । रौतहटको मौलापुर नगरपालिकामा मंगलबार बिहान चट्याङ लागेर एक महिलाको मृत्यु भएको छ ।
मौलापुर नगरपालिका वडा नम्बर ४ पतौराका गम्भीरा साहको ३५ वर्षीया श्रीमती प्रतिमा देवीको चट्याङ लागेर मृत्यु भएको जिल्ला प्रहरी कार्यालय रौतहटले जनाएको छ ।
धारामा पानी लिन गएको बेला चट्याङ लागेर प्रतिमा देवीको मृत्यु भएको जिल्ला प्रहरी कार्यालयका प्रवक्ता एवं प्रहरी नायब उपरीक्षक उमाशङ्कर यादवले बताए ।
मृतक महिलाको शव पोष्टमार्टमको लागि प्रादेशिक अस्पताल गौर ल्याइएको तथा पोष्टमार्टम पश्चात् अन्तिम संस्कारका लागि परिवारजनको जिम्मा लगाइने जिल्ला प्रहरी कार्यालयका प्रवक्ता एवं प्रहरी नायब उपरीक्षक यादवले जानकारी दिए ।
हावाहुरीसँगै आएको आँधीले बिउँ झर्दा किसानलाई असहज भएको थियो भने अत्यधिक गर्मीबाट अलि राहत भएको स्थानीयवासीले बताएका छन् ।
प्रकाशित मिति: ९ जेष्ठ २०८०, मंगलवार
