७ जेष्ठ २०८०, आईतवार
७ जेष्ठ ,लुम्बिनी । राष्ट्रिय समाचार समिति (रासस) का कार्यकारी अध्यक्ष धर्मेन्द्र झाले रासस लुम्बिनी प्रदेश कार्यालय बुटवलको आज निरीक्षण गरेका छन्।
अध्यक्ष झाले बुटवल उपमहानगरपालिका–४ स्थित रासस प्रदेश कार्यालयको निरीक्षण गरेका हुन् । रासस प्रदेश कार्यालयको हालै मर्मतसम्भार सम्पन्न भएको कार्यालय भवनको मर्मतको कामबारे जानकारी लिए ।
उनले रासस मुख्यतया समाचार सेवा प्रवाह गर्ने संस्था भएकाले प्रदेश कार्यालयबाट राससले दिनुपर्ने समाचार खोजी र स्तरीय हुनुपर्नेमा जोड दिए । अध्यक्ष झाले प्रदेश कार्यालयबाट प्रदेशका गतिविधिमा ध्यान दिन र सबै पक्षसँगको समन्वयमा राससका काम कारबाही अगाडि बढाउन निर्देशन दिए ।
त्यस अवसरमा रासस प्रदेश कार्यालयको गतिविधिबारे रासस प्रदेश कार्यालय प्रमुख भरत केसीले अध्यक्ष झालाई जानकारी गराएका थिए ।
उनले रासस भवनको मर्मतसम्भारको गुणस्तरीयताका बारेमा जानकारी गराए । यसका साथै प्रदेश राजधानीमा राससका लागि जग्गा प्राप्तिबारे भएको प्रगति अध्यक्ष झालाई कार्यालय प्रमुख केसीले जानकारी गराएका थिए ।
प्रकाशित मिति: ७ जेष्ठ २०८०, आईतवार
