३ जेष्ठ २०८०, बुधबार
३ जेठ, टोकियो । जापानमा भएको बस दुर्घटनामा २ जना नेपाली विद्यार्थीको मृत्यु भएको छ । जापानी मिडियाले उल्लेख गरे अनुसार जापानको सेन्दाईस्थित सहरमा बस दुर्घटना हुदाँ दुई जना नेपाली विद्यार्थीको मृत्यु भएको हो ।
गत मंगलबार साँझ भएको दुर्घटनामा परी मृत्यु हुनेमा काभ्रेका नवराज तामाङ र युवराज थापा रहेक छन् ।
जापानी मिडियाका अनुसार सेन्दाईबाट इवातेका लागि हिँडेको बसलाई पछाडिबाट ट्रकले ठक्कर दिँदा उक्त दुर्घटना भएको थियो । जहाँ २ नेपाली विद्यार्थी सहित ३ जनाको मृत्यु भएको छ ।
एक्सप्रेस रोडमा रोकिराखेको बसलाई ट्रकले ठक्कर दिएको थियो । उक्त बसमा चालक दलका सदस्य सहित ४० जना सवार भएको बताइएको छ ।
प्रकाशित मिति: ३ जेष्ठ २०८०, बुधबार
