२ जेष्ठ २०८०, मंगलवार
२ जेठ, बर्दिबास । पोखरीमा डुबेर एक बालकको मृत्यु भएको छ । सोनमा ७ जानकीनगरका ५ वर्षीय आसिक सदाको सोमबार साँझ घरछेउकै पोखरीमा डुबेर मृत्यु भएको हो ।
घरका परिवार मजदुरीका लागि बाहिर गएको बेला खेल्ने क्रममा पोखरीमा डुबेको अनुमान गरिएको छ । स्थानीयले पोखरीको पानीमा बालकको शव देखेपछि प्रहरीलाई खबर गरेका थिए । जिल्ला प्रहरी कार्यालयका सूचना अधिकारी तथा प्रहरी नायब उपरीक्षक दिलीप गिरीले स्थानीय प्रहरीले घट्नाको अनुसन्धान सुरु गरेको जानकारी दिए ।
घटना स्थलमा आवश्यक कानुनी प्रक्रिया पुरा गरी बालकको शवलाई पोस्टमार्टमका लागि जलेश्वरस्थित प्रादेशिक अस्पतालमा ल्याइएको जिल्ला प्रहरीले जनाएको छ ।
प्रकाशित मिति: २ जेष्ठ २०८०, मंगलवार
