१० बैशाख २०८०, आईतवार
१० वैशाख, चितवन । राष्ट्रिय स्वतन्त्र पार्टीका सभापति रवि लामिछानेले गत निर्वाचनको भन्दा बढी मत ल्याउने बताएका छन् ।
उपनिर्वाचनमा चितवन-२ बाट उम्मेदवार उठेका लामिछानेले जनताको उत्साहले अघिल्लो चुनावभन्दा बढी भोट ल्याएर जित्ने देखिएको बताएका हुन् ।
उनले सञ्चारकर्मीसँग भने, ‘मतदातामा हाम्रो पक्षमा अघिल्लोपटकको भन्दा बढि उत्साह पाएको छु । परिणाममा पनि त्यहि अपेक्षा गरेको छु।’
गत मंसिर ४ मा भएको चुनावबाट निर्वाचित भएका लामिछानेको नागरिकता प्रकरणका कारण सांसद पद बर्खास्त भएको थियो । सोही कारण चितवन-२ मा उपनिर्वाचन भइरहेको छ । अहिले मतदान जारी छ ।
प्रकाशित मिति: १० बैशाख २०८०, आईतवार
