७ बैशाख २०८०, बिहीबार
७ वैशाख, बारा । नेपाली कांग्रेसका सभापति शेर बहादुर देउवाले उपेन्द्र यादव मधेशका लागि लड्ने सच्चा नेता भएको बताएका छन् ।
बिहीबार बारामा भएको उपनिर्वाचन कार्यक्रमलाई सम्बोधन गर्दै उनले आफू र उपेन्द्र यादव एउटै मन्त्रिपरिषद्मा बसेर काम गरेको बताउँदै यादवको तारिफ गरेका हुन् ।
“मेरो क्याबिनेटमा हामी सँगै काम गरेका हौँ । उहाँ मधेसको अधिकारका लागि क्याबिनेटमा पनि मसँग धेरैपटक झगडा गर्नुभयो, मधेसका लागि लड्नुभयो । उहाँ सच्चा मधेसकाप्रति प्रतिवद्ध योग्य नेताको रुपमा पाएका छौं ।” देउवाले भने ।
देउवाले यस पटकको उपचुनावमा उपेन्द्रलाई जिताएर जनताको सेवा गर्ने अवसर दिन आग्रह गरेका छन् । पाँच वर्षमा राम्रो काम नगरे अर्को पटक भोट दिनु नपर्ने समेत देउवाले बताए ।
बारा २ मा वैशाख १० गते उपनिर्वाचन हुँदैछ । उपनिर्वाचनका लागि गठबन्धन दलको सहयोगमा जसपा अध्यक्ष यादव उठेका छन् ।
गत मंसिरमा भएको चुनावमा सप्तरी २ बाट उठेका यादव पराजित भएका थिए ।
प्रकाशित मिति: ७ बैशाख २०८०, बिहीबार
