३ बैशाख २०८०, आईतवार
३ वैशाख, काठमाडाैँ । नेकपा एमालेका नेता रघुजी पन्तले प्रधानमन्त्री पुष्पकमल दाहाल प्रचण्ड हराएको भन्दै सुचना पढेका छन् ।
आइतबार प्रतिनिधिसभा बैठकको शून्य समयमा बोल्दै सांसद पन्तले बैठकमा प्रधानमन्त्री आउन छोडेको भन्दै खोजीको आग्रह गरेका हुन् ।
उनले प्रहरीले मानिस हराएको सूचना निकाल्ने शैलीमा संसदमा प्रधानमन्त्री हराएको सूचना पढेका थिए ।
उनले सुचना पढ्दै उल्लेख गरे, ‘नागरिकताको नाम : श्री पुष्पकमल दाहाल, चलचल्तीको नाम : प्रचण्ड । स्थायी ठेगाना : फेरि नै राख्ने । स्थायी ठेगाना : कहिले खुमलटार कहिले बालुवाटार । हुलिया : पहिलेपहिले कोट पाइन्ट लगाउने गरे पनि हाल दौरासुरुवाल र टोपी पनि लगाउने । उमेर : ६५ नाघेको ७० नपुगेको जस्तै देखिने । उहाँ केही दिनअघि प्रतिनिधिसभा बैठकमा झुलुक्क देखिएर हाल संसदमै आउनै छाडेको उहाँलाई फेला पार्नुहुने व्यक्तिले संसद् भवन नयाँ बानेश्वरमा बुझाइदिनुहोला । उहाँ अन्तिमपटक देखिएको स्थान : बालुवाटार छेउछाउ।’
प्रकाशित मिति: ३ बैशाख २०८०, आईतवार
