११ कार्तिक २०८३, बुधबार
काठमाडौँ ।नेपाल प्रिमियर लिग ९एनपिएल को तेस्रो सिजनमा पहिलो जितपछि सुदूरपश्चिम रोयल्सका इशान पाण्डेले पहिलो खेलमै टोलीको हार दशा काटेको बताए ।
पोखरा एभेन्जर्समाथि जित निकालेपछि पत्रकार सम्मेलन सुदूरपश्चिमका ब्याटर इशानले पहिलो खेलमा राम्रो गर्न नसक्दा हार व्यहोर्नु परेको र दशा पनि कटेको बताएका हुन् । डिआरएस नभएको भए ब्याटरका लागि धेरै अफ्ठ्यारो हुनसक्ने उनले उल्लेख गरे । स्पिनर अनिल खरेलले बलिङको प्रंसशा गर्दै इशानले अस्ट्रेलियामा पनि उनले राम्रो क्रिकेट खेल्दै आएकाले मद्दत पुगेको बताए । धेरै वर्षदेखि अनिलले धेरै राम्रो क्रिकेट खेल्दै आएको उनको भनाइ छ । पोखराविरुद्ध ठुला सट नखेली इनिङ बढाउनुपर्ने अवस्था रहेको र आफूले पनि त्यही पक्षमा ध्यान दिएको इशानको भनाइ थियो ।
पोखरा एभेन्सजर्सका खेलाडी अर्जुन घर्ति मगरले पहिलो हार भएपनि आफ्नो टोली प्लेअफमा पुग्ने विश्वास व्यक्त गरे । यसपल्ट बलिङ र ब्याटिङ सबै पक्षमा पोखरा बलियो टोली रहेको उनको भनाइ छ । टोली ब्यालेन्स रहेकाले पहिलो खेलमा हारले हतास नरहेको उनी बताउँछन् ।
उनले खेलमा प्रोसेस फलो गर्दा ब्याटिङमा राम्रो हुन सकेको बताए । आजको खेलमा ठुलो सट भन्दा पनि स्ट्राइक रोटेट गरेको उनले उल्लेख गरे ।
प्रकाशित मिति: ११ कार्तिक २०८३, बुधबार
