२ बैशाख २०८०, शनिबार
२ वैशाख, काठमाडाैँ । राष्ट्रिय स्वतन्त्र पार्टीका उपसभापति डोरप्रसाद (डीपी) अर्याललाई विमानस्थलबाटै फर्काइएको छ । भारत जान लागेका उनलाई नेपाल वायुसेवा निगमले रोकेको हो ।
भारत जान लाग्दा उनले विमान चढ्ने बेलामा राष्ट्रिय परिचयपत्र देखाएका थिए । तर, विमानस्थलमा निगमका कर्मचारीले राष्ट्रिय परिचयपत्र मान्य नहुने भन्दै विमान चढ्नबाट रोकेका हुन् ।
उनी दिउँसो १ बजेर ४५ मिनेटको निगमको उडानबाट भारतको बैंग्लोर जाने तयारीमा थिए ।
वायुसेवा निगमका प्रवक्ता रमेश पौडेलले भारत जाँदा नागरिकता अनिवार्य भएका कारण उनलाई फर्काइएको बताएका छन् । त्यस्तै, डिपी अर्यालले भने बायोमेट्रिकसहितको विवरण भएको प्रमाणपत्र अमान्य हुने सवाल आश्चर्यजनक रहेको बताएका छन् ।
प्रकाशित मिति: २ बैशाख २०८०, शनिबार
