३० चैत्र २०७९, बिहीबार
३० चैत्र, काठमाडाैँ । नातामा आफ्नै बहिनी पर्नेलाई बिक्री गरेको आरोपमा एक जना पक्राउ परेका छन् । पक्राउ पर्नेमा काभ्रपलाञ्चोक जिल्ला तेमाल गाउँपालिकाका ओम बहादुर तामाङ रहेका छन् ।
जिल्ला प्रहरी कार्यालय काभ्रेले दिएको जानकारी अनुसार प्रेम लामा भनिने ओम तामाङले नातामा आफ्नै बहिनी पर्नेलाई भारतको दिल्लीमा रहेको वेश्यालमा बेचेको पाइएको छ ।
उनले २०५४ सालको भदाैमा काठमाडाैँमा राम्रो काममा लगाइदिने भन्दै प्रलोभनमा पारी युवतिलाई ललाइफकाइ भारतको दिल्लीको कोठीमा पुर्याएका थिए । उक्त समयमा उनले युवतीलाई ३५ हजार भारूमा बेचेको पाइएको छ ।
४ वर्षसम्म शारीरिक यातना सहेकी युवतीले २०५८ साल भदाै २१ गते जिल्ला प्रहरी कार्यालय काभ्रेमा तामाङविरूद्ध जाहेरी दिएकी थिइन् । निरन्तर खोजी सुचिमा रहेका तामाङ २६ गते काठमाडाैँको भगवानपाउबाट पक्राउ परेका थिए ।
प्रकाशित मिति: ३० चैत्र २०७९, बिहीबार
