१३ चैत्र २०८२, शुक्रबार
काठमाडौँ । प्रधानमन्त्री बालेन्द्र शाह नेतृत्वमा बन्न लागेको मन्त्रिपरिषद्का लागि राष्ट्रिय स्वतन्त्र पार्टी (रास्वपा)ले प्रमुख मन्त्रालयहरूमा रहने सम्भावित मन्त्रीहरूको नाम करिब टुंगो लगाएको छ।
स्रोतका अनुसार अर्थ मन्त्रालयको जिम्मेवारी स्वर्णिम वाग्लेलाई दिने तयारी छ भने परराष्ट्र मन्त्रालय शिशिर खनालको भागमा पर्ने देखिएको छ। ऊर्जा, जलस्रोत तथा सिंचाइ मन्त्रालयमा विराजभक्त श्रेष्ठ र गृह मन्त्रालयमा सुदन गुरुङको नाम अगाडि आएको छ।
त्यसैगरी उद्योग, वाणिज्य तथा आपूर्ति मन्त्रालय अमरेश कुमार सिंहले सम्हाल्ने सम्भावना छ भने कानुन, न्याय तथा संसदीय मामिला मन्त्रालय सोबिता गौतमलाई दिने चर्चा छ। स्वास्थ्य तथा जनसंख्या मन्त्रालय निशा मेहता, भौतिक पूर्वाधार तथा यातायात मन्त्रालय सुनिल लम्साल र महिला, बालबालिका तथा ज्येष्ठ नागरिक मन्त्रालय सीता वादीको जिम्मामा पर्ने प्रारम्भिक सहमति बनेको बताइएको छ।
संघीय मामिला तथा सामान्य प्रशासन मन्त्रालयका लागि प्रतिभा रावलको नाम करिब निश्चित जस्तै भए पनि उनलाई कृषि तथा पशुपन्छी विकास मन्त्रालय दिने विकल्पमा पनि समानान्तर छलफल जारी रहेको स्रोतले जनाएको छ।
प्रकाशित मिति: १३ चैत्र २०८२, शुक्रबार
