१२ चैत्र २०८२, बिहीबार
काठमाडौँ । राष्ट्रिय स्वतन्त्र पार्टी (रास्वपा) को केन्द्रिय समितिको बैठकले पार्टीका वरिष्ठ नेता बालेन्द्र साहलाई संसदीय दलको नेतामा सर्वसम्मत रूपमा चयन गरेको छ ।
बिहीबार बसेको पार्टीको केन्द्रिय समितिको बैठकले उक्त निर्णय गरेको हो । पार्टी सभापति रवि लामिछानेबाट प्रश्तावित यी दुवै एजेण्डाहरू केन्द्रिय समितिबाट पारित भएका प्रवक्ता मनिष झाले बताएका छन् । केन्द्रिय समितिको बैठकपछि बसेको केन्द्रिय समिति तथा संसदीय दलको संयुक्त बैठकले ती निर्णयहरूलाई औपचारिकता दिएको हो । रास्वपाले आगामी सरकार गठनको प्रक्रियामा पनि आफ्नो स्पष्ट अडान सार्वजनिक गरेको छ ।
सभापति लामिछानेले वरिष्ठ नेता तथा नवनिर्वाचित संसदीय दलका नेता बालेन्द्र साहलाई पार्टीको तर्फबाट आगामी सरकारको प्रधानमन्त्रीको उम्मेदवारको रूपमा प्रश्ताव गर्नुभएको छ । यो प्रश्ताव पनि बैठकबाट सर्वसम्मत रूपमा पारित भएको प्रवक्ता झाले जानकारी दिएका छन् ।
प्रकाशित मिति: १२ चैत्र २०८२, बिहीबार
