५ चैत्र २०८२, बिहीबार
काठमाडौं। नेकपा एमालेका नेता गोकुल बास्कोटा ले वर्तमान सरकारप्रति लक्षित गर्दै कडा टिप्पणी गरेका छन्।
सामाजिक सञ्जालमार्फत प्रतिक्रिया दिँदै बास्कोटाले चुनाव जितेर आएका नेताहरूले जनतासँग गरेका वाचा बिर्सिएको आरोप लगाए। उनले नयाँ सरकारले काम थालेको तीन महिनासम्म “केही बोल्न नहुने” भन्ने तर्कलाई बेकारको भन्दै जनताको समस्या तत्काल सम्बोधन हुनुपर्ने बताए। उनले आम नागरिक अहिले पनि समस्यामा रहेको उल्लेख गर्दै नेताहरूबीचको फरक व्यवहार जनताले नजिकबाट हेरिरहेको बताए। “जनताले अब पुराना शैलीका बहाना स्वीकार्दैनन्,” उनले लेखेका छन्।
बास्कोटाले चुनावका बेला गरिएको प्रतिबद्धता पूरा गर्न सरकारलाई दबाब दिँदै जनताको अपेक्षा अनुसार काम नगर्ने प्रवृत्तिको आलोचना गरेका छन्। उनको यो अभिव्यक्तिले सामाजिक सञ्जालमा मिश्रित प्रतिक्रिया पाएको छ भने वर्तमान सरकारको कामकारबाहीबारे पुनः बहस सुरु भएको छ।
प्रकाशित मिति: ५ चैत्र २०८२, बिहीबार
