२६ फाल्गुन २०८२, मंगलवार
काठमाडौँ । प्रतिनिधिसभा निर्वाचनको पछिल्लो मत परिणामले राष्ट्रिय स्वतन्त्र पार्टी (रास्वपा) को स्पष्ट वर्चस्व देखिएको छ।
सार्वजनिक भएको विवरणअनुसार प्रत्यक्षतर्फ रास्वपाले १२५ सिट जित हासिल गर्दा समानुपातिकतर्फ पनि ५०,२०,७६३ मतसहित अग्र स्थानमा रहेको छ। यसैगरी ,प्रत्यक्षतर्फ दोस्रो स्थानमा रहेको नेपाली कांग्रेस ले १८ सिट जितेको छ भने समानुपातिकतर्फ १६,९६,२१७ मत प्राप्त गरेको छ। त्यस्तै नेकपा (एमाले) ले प्रत्यक्षतर्फ ९ सिट जित्दा समानुपातिकतर्फ १४,१२,९६९ मत प्राप्त गरेको छ। नेपाल कम्युनिष्ट पार्टी ले प्रत्यक्षतर्फ ८ सिट जितेको छ भने समानुपातिकतर्फ ७,६७,०३८ मत प्राप्त गरेको छ।
यसैगरी श्रम संस्कृति पार्टी ले प्रत्यक्षतर्फ ३ सिट जितेको छ भने समानुपातिकतर्फ ३,८५,४५० मत प्राप्त गरेको छ। अन्य दल तथा स्वतन्त्र उम्मेदवारले प्रत्यक्षतर्फ २ सिट जित्दा समानुपातिकतर्फ ३,२५,१०० मत प्राप्त गरेका छन्।
पछिल्लो परिणामले प्रत्यक्ष र समानुपातिक दुवैतर्फ रास्वपाको प्रभावशाली उपस्थिति देखिएको छ। मतगणना तथा विवरण अद्यावधिक हुने क्रम जारी रहेकाले अन्तिम परिणाम आउँदासम्म केही तथ्यांकमा सामान्य परिवर्तन हुन सक्ने निर्वाचन आयोगले जनाएको छ।
प्रकाशित मिति: २६ फाल्गुन २०८२, मंगलवार
