२९ चैत्र २०७९, बुधबार
२९ चैत्र, गोरखा । ढुङ्गाले लागेर घाइते भएका व्यक्तिको हेलिकप्टरमार्फत उद्धार गरिएको छ ।
गोरखाको चुमनुब्री गाउँपालिका वडा नम्बर ३ सल्लेरी नजिकैको भिरमा माथिबाट खसेको ढुङ्गाले लागेर धार्चे गाउँपालिकाका ४८ वर्षीय गणेश गुरुङ घाइते भएका थिए ।
ढुङ्गाले लागेर गम्भीर घाइते भएका गुरूङको राजेन्द्र बजगाईंको पहलमा हेलिकप्टरमार्फत उद्धार गरिएको हो । प्रमुख जिल्ला अधिकारिको उद्धार समन्वयमा प्रधानमन्त्री विपद व्यवस्थापन कोष कार्यक्रम मार्फत नेपाली सेनाको हेलिकप्टरबाट उद्धार गरी उनलाई उपचारका लागि काठमाडाैँको राष्ट्रिय ट्रमा सेन्टरमा ल्याइएको छ ।
उनको अहिले ट्रमा सेन्टरमा उपचार भइरहेको जानकारी दिइएको छ ।
प्रकाशित मिति: २९ चैत्र २०७९, बुधबार
