१४ फाल्गुन २०८२, बिहीबार
काठमाडौं। निर्वाचन आयोगले मतदाता नामावलीमा नाम भएकाले मतदाता परिचयपत्र नहुँदा पनि मतदान गर्न पाउने स्पष्ट गरेको छ।
निर्देशिका अनुसार परिचयपत्र नभए नागरिकता, राष्ट्रिय परिचयपत्र, राहदानी, जग्गाधनी प्रमाणपूर्जा वा सवारी चालक अनुमतिपत्रमध्ये कुनै एक देखाए मतदान गर्न सकिन्छ।
यसबारे मतदानस्थलमा खटिने सुरक्षाकर्मी, कर्मचारी र सरोकारवालालाई जानकारी गराउन उच्चस्तरीय निर्वाचन सुरक्षा समितिले निर्णय गरेको छ। साथै, गृह मन्त्रालयले निर्वाचन आचारसंहिताको कडाइका साथ पालना गराउन सबै जिल्लाका प्रमुख जिल्ला अधिकारी र सुरक्षा निकायलाई निर्देशन दिएको छ।
प्रकाशित मिति: १४ फाल्गुन २०८२, बिहीबार
