प्रभु बैंकको सीईओमा सुमन शर्मा, शेरचनले दिए राजीनामा

काठमाडौं । प्रभु बैंकका प्रमुख कार्यकारी अधिकृत अशोक शेरचनले राजीनामा दिएका छन् । बैंकिङ कसुर मुद्दामा निलम्बनमा परेका शेरचन हाजिर जमानीमा रिहा भई निलम्बन फुकुवा भएपछि पदबाट अलग भएका हुन् ।

उनको राजीनामा स्वीकृत गर्दै बैंक सञ्चालक समितिले अर्का २५ वर्षभन्दा बढी बैंकिङ अनुभव भएका सुमन शर्मालाई चार वर्षका लागि नयाँ सीईओ नियुक्त गरेको छ । शर्मा यसअघि सनराइज बैंक र माछापुच्छ्रे बैंकका सीईओ रहिसकेका छन् ।