२४ पुष २०८२, बिहीबार
एजेन्सी । टर्कीको ऊर्जा सुरक्षाको क्षेत्रमा सन् २०२५ एक ऐतिहासिक वर्ष सावित भएको छ ।
ऊर्जा मन्त्री अल्पार्सलान बायरक्तारकाअनुसार देशले तेल उत्पादनमा २६ प्रतिशत र प्राकृतिक ग्यास उत्पादनमा ३९ प्रतिशतको विशाल फड्को मारेको छ । यो वृद्धिले टर्कीको वार्षिक अर्बौं डलरको आयात भारलाई उल्लेख्य रूपमा कम गर्ने देखिएको छ । सन् २०२५ मा टर्कीको ऊर्जा क्षेत्रले एक ऐतिहासिक फड्को मारेको ऊर्जा मन्त्री अल्पार्सलान बायरक्तारले बताउनु भयो । पछिल्लो प्रतिवेदन अनुसार टर्कीको तेल उत्पादनमा २६ प्रतिशत र प्राकृतिक ग्यास उत्पादनमा ३९ प्रतिशतको वृद्धि भएको छ ।
कुल ४७.९ मिलियन ब्यारेल तेल र ३.२ बिलियन क्यूबिक मिटर प्राकृतिक ग्यास उत्पादनले देशको ऊर्जा सुरक्षामा नयाँ आयाम थपेको छ । विशेष गरी २१ अप्रिल २०२५ मा दैनिक १०.२ मिलियन क्यूबिक मिटर ग्यास उत्पादनको कीर्तिमानी रेकर्डले टर्कीलाई ऊर्जा आत्मनिर्भरतातर्फ द्रुत गतिमा अघि बढाएको पुष्टि गर्दछ ।
प्रकाशित मिति: २४ पुष २०८२, बिहीबार
