३ कार्तिक २०८२, सोमबार
एजेन्सी। अक्टोबर १० मा हमास र इजरायलबीचको युद्धविराम लागू भएदेखि गाजा पट्टीका स्थानीय अधिकारीहरूले क्षेत्रीय देशहरू र अन्तर्राष्ट्रिय एजेन्सीहरूको सहयोगमा भग्नावशेष हटाउने र एन्क्लेभभरि महत्वपूर्ण सडकहरू पुनः खोल्ने प्रयासलाई तिब्र पारिरहेका छन् ।
दुई वर्षको इजरायली आक्रमणले एन्क्लेभको धेरैजसो पूर्वाधार ध्वस्त पारेकोले गाजाभरिका नगरपालिकाहरूले सडकहरू खाली गर्न र हजारौं विस्थापित परिवारहरूको लागि अस्थायी आश्रयहरू स्थापना गर्न आफ्नो सिमित स्रोतहरू परिचालन गरेका छन् । गाजा पट्टीमा त्यस्तो कुनैपनि सडक, छिमेक वा गल्ली छैन जुन इजरायली युद्ध मेसिनले आंशिक वा पूर्ण रूपमा नष्ट नगरेको होस् । गाजा नगरपालिकाका प्रवक्ता असेम अल–नबीहले द्वन्द्वले अनुमानित ५५ देखि ७० मिलियन टन भग्नावशेष छोडेको छ । जबकि गाजाको लगभग ९० प्रतिशत पूर्वाधार सडक, पानी, ढल निकास र बिजुली नेटवर्कहरूसहित नष्ट भएको छ ।
युद्धविरामको पहिलो दिनदेखि नै आफूहरुले भग्नावशेष हटाउन र मुख्य सडकहरू पुनः खोल्न हाम्रा सिमित बुलडोजर र उपकरणहरू परिचालन गर्न थालेको उनले बताएका छन् ।
प्रकाशित मिति: ३ कार्तिक २०८२, सोमबार
