२७ चैत्र २०७९, सोमबार
२७ चैत्र, चितवन । गृहमन्त्री नारायणकाजी श्रेष्ठले काठमाडाैँ महानगरपालिकाका मेयर बालेन्द्र साह ‘बालेन’ले सिंहदरबारको फोहर उठाउँदिनँ भनेर भन्न मिल्छ कि मिल्दैन भनेर प्रश्न गरेका छन् । उनले चितवनमा पत्रकारहरूसँग बोल्दै उक्त प्रश्न गरेका हुन् ।
‘महानगरको मेयरले सिंहदरबारको फोहर उठाउँदिनँ भनेर भन्न मिल्छ कि मिल्दैन ? अझ सार्वजनिक रुपमा सामाजिक सञ्जालमामार्फत् भन्न मिल्छ कि मिल्दैन ? त्यसले महानगरपालिका र स्वयम् मेयरलाई कुन ठाउँमा समाजको अगाडि प्रस्तुत गर्छ भन्ने त उहाँले नै सोच्नु पर्ने हो ।’ उनले भनेका छन् ।
उनले संघीय सरकारले स्थानीय सरकारसँग समन्वय गरिरहेको पनि दाबी गरेका छन् । लहडका भरमा औचित्य पुष्टि नहुने खालका काममा भने सङ्घीय सरकारले सहयोग नगर्ने पनि बताए ।
मेयर बालेनले संघीय सरकारले स्थानीय सरकारसँग समन्वय नगरेको भनेर गुनासो गरिरहँदा गृहमन्त्री श्रष्ठेले उक्त अभिव्यक्ति दिएका हुन् ।
प्रकाशित मिति: २७ चैत्र २०७९, सोमबार
