२७ चैत्र २०७९, सोमबार
२७ चैत्र, काठमाडाैँ । काठमाडाैँ महानगरपालिकाका मेयर बालेन साहको निर्देशनसँगै सिंहदरबार, राष्ट्रपति भवन र मन्त्री क्वार्टरको फोहोर उठ्न छोडेको छ ।
महानगरको तर्फबाट फोहोर नउठेपछि राष्ट्रपति कार्यालयले फोहोर व्यवस्थापन गर्ने निजी संस्थालाई फोन गरेर फाहोर उठाइदिन अनुरोध समेत गरेको छ ।
शीतल निवास र त्यस वरपरको क्षेत्रबाट परिवर्तन सेवा प्रालिले फोहोर सङ्कलन गर्ने गरेको थियो । सोमबार राष्ट्रपति कार्यालयले सोही संस्थालाई फोहोर उठाउनका लागि अनुरोध सहित फोन गरेको हो ।
तर, परिवर्तन सेवाले भने महानगरको निर्देशनबिना फोहोर उठाउन नसकिने जवाफ फर्काएको छ ।
गत शनिबार सामाजिक सञ्जालमार्फत मेयर बालेनले सिंहदरबारको फोहोर नउठ्ने जानकारी दिएका थिए ।
प्रकाशित मिति: २७ चैत्र २०७९, सोमबार
