५ आश्विन २०८२, आईतवार
काठमाडौँ। नेकपा (माओवादी केन्द्र)ले वर्तमान केन्द्रिय समिति विघटन गरेर महाधिवेशन आयोजक समिति बनाउने प्रश्ताव केन्द्रिय समितिमा लैजाने भएको छ ।
आईतवार पार्टी केन्द्रिय कार्याmयमा बसेको पदाधिकारी बैठकले यस्तो निर्णय पार्टी प्रवक्ता अग्नि सापकोटाले जानकारी दिएका छन् । अध्यक्ष पुष्पकमल दाहालकै संयोजकत्वमा आयोजक समिति बनाउने प्रश्ताव पदाधिकारी बैठले गरेको उनले जानकारी दिएका छन् । उनकाअुनसार उक्त प्रश्तावमाथि ९ असोजमा बस्ने केन्द्रिय समिति बैठकमा छपलफल हुनेछ । बैठकले मध्यावधि निर्वाचन घोषित मितिमै हुनुपर्ने भन्दै त्यसका लागि पार्टीले आवश्यक भुमिका खेल्ने निर्णय गरेको पनि बताएका छन् । उनकाअुनसार बैठकमा अध्यक्ष दाहालले राष्ट्रिय र अन्तरराष्ट्रि परिस्थितिबारे ब्रिफिङ गरेका थिए ।
उनले भने, ‘आजको बैठकमा अध्यक्ष कम्रेडले सविस्तार ब्रिफिङ गर्नुभयो । राष्ट्रिय अन्तरराष्ट्रिय परिस्थिति र त्यसको संश्लेषणपछि सबै पदाधिकारीहरुले आआफ्नो धारणा राख्नुभयो । सरकारले फागुन २१ गतेका लागि तोकेको निर्वाचन समयमा गर्नुपर्छ । त्यसका लागि पार्टीले खेल्नुपर्ने सबै प्रकारको भूमिका खेलिन्छ । निर्वाचन घोािषत मितिमै गर्नुपर्छ भन्ने छ । मौजुदा केन्द्रीय समिति विघटन गरी अध्यक्ष कम्रेड प्रचण्डको संयोजकत्वमा आयोजक समिति बनाएर महाधिवेशनमा जाने प्रश्ताव केन्द्रीय समितिमा लैजाने निर्णय पनि भएको छ । नेतृत्वको हस्तान्तरणबारे विचार, विधि र प्रक्रियाको बारेमा प्रारम्भिक छलफल भयो । अगामी योजनको बारेमा पनि बृहत छलफल भएको छ । त्यसको विस्तृत प्रश्ताव केन्द्रीय समितिमा लैजाने निर्णय पनि भएको छ । देशभक्त, लोकतान्त्रिक र परिवर्तनका पक्षधर सबैलाई वर्तमान परिस्थितिका बारेमा एकताबद्ध भएर अघि बढ्न अपिल गर्ने निर्णय पनि भएको छ ।’
बैठकले लोकतान्त्रीक र परिवर्तनका पक्षधर सबैलाई वर्तमान परिस्थितिका बारेमा एकतावद्ध भएर अघि बढ्न अपिल गर्ने निर्णय पनि गरेको छ ।
प्रकाशित मिति: ५ आश्विन २०८२, आईतवार
