३१ भाद्र २०८२, मंगलवार
काठमाडौँ । राष्ट्रिय सभाका अध्यक्ष नारायण प्रसाद दाहालले नवनियुक्त प्रधानमन्त्री सुशीला कार्कीसँग वालुवाटारमा भेट गरी बधाई तथा कार्यकाल सफलताको शुभकामना दिएका छन्।
आज बिहानको भेटमा दाहाल र कार्कीबीच देशको विकसित घटनाक्रम र समसामयिक राजनीतिक अवस्थाबारे छलफल भएको थियो। अध्यक्ष दाहालले संघीय संसद भवन र सचिवालयमा भएको क्षति तथा राष्ट्रिय सभाको कामकारबाहीबारे जानकारी गराए।
प्रधानमन्त्री कार्कीले शान्ति र स्थिरताका लागि राष्ट्रिय सभाको महत्वपूर्ण भूमिका हुने उल्लेख गर्दै वर्तमान सङ्कटको समाधानमा सबै पक्षको सहकार्य आवश्यक रहेको बताइन्।
प्रकाशित मिति: ३१ भाद्र २०८२, मंगलवार
