२९ भाद्र २०८२, आईतवार
स्पेन। स्पेनको राजधानी म्याड्रिडमा शनिवार दिउँसो भएको विस्फोटमा परी आंशिक भवन भत्किँदा कम्तिमा २१ जना घाइते भएको स्थानीय अधिकारीहरूले बताएका छन् ।
स्थानीय टेलिभिजन नेटवर्क टेलिम्याड्रिडकाअनुसार दक्षिणी म्याड्रिडको एक बारमा दिउँसो करिव ३ बजे विस्फोट भएको थियो । आपतकालीन सेवाहरूले घाइतेमध्ये तीन जनाको अवस्था गम्भीर रहेको बताएका छन् । एम्बुलेन्स र स्थानीय तथा राष्ट्रिय प्रहरी अधिकारीहरूसहित दमकल एकाइहरू घटनास्थलमा पठाइएको थियो ।
अग्निनियन्त्रकहरूले क्षतिग्रस्त भवनबाट भग्नावशेष हटाउन काम गरेका थिएश्र घटनाको अनुसन्धान भइरहेको छ । प्रारम्भिक रिपोर्टहरूले ग्यास चुहावटको कारण औंल्याएको छ ।
प्रकाशित मिति: २९ भाद्र २०८२, आईतवार
