२८ भाद्र २०८२, शनिबार
काठमाडौँ। नवनियुक्त प्रधानमन्त्री सुशीला कार्कीले जेनजी आन्दोलनका घाइतेहरुसँग भेट गरेकी छिन् ।
उनले शनिवार अपरान्ह राष्ट्रिय ट्रमा सेन्टर अस्पताल पुगेर त्यहाँ उपचार गराईरहेका घाइतेहरुसँग भेट गरेकी छिन् । भेटका क्रममा प्रधानमन्त्री कार्कीले घाइतेहरुको राम्रोसँग उपचार गर्न चिकित्सकहरुलाई निर्देशन दिएको अस्पतालका चिकित्सकहरुले बताएका छन् ।
जेनजी आन्दोलनका क्रममा ट्रमा सेन्टरमा मात्रै ८ जनाको मृत्यु भएको थियो । त्यसक्रममा नवनियुक्त प्रधानमन्त्री कार्कीले घाइतेहरुको शिघ्र स्वास्थ्य लाभको कामना पनि रेकी छिन् । शुक्रवार (हिजो) प्रधानमन्त्रीमा नियुक्त हुनुभएका उनले शनिबार आन्दोलनमा परी घाइते भएकाहरुको अस्पतालमा पुगी स्वास्थ्य अवस्थाबारे जानकारी लिएकी हुन् ।
प्रकाशित मिति: २८ भाद्र २०८२, शनिबार
