२७ भाद्र २०८२, शुक्रबार
काठमाडौँ । राजनीतिक संकटबीच अन्तरिम सरकारको नेतृत्व पूर्वप्रधानन्यायाधीश सुशीला कार्कीले सम्हाल्ने पक्का भएको छ। राष्ट्रपति रामचन्द्र पौडेलले आज राति ९ बजे शीतल निवासमा उनलाई औपचारिक शपथ गराउने तयारी भएको राष्ट्रपतिका प्रेस सल्लाहकार किरण पोखरेलले जानकारी दिएका छन्।
यसअघि कार्की, जेनजी अभियन्ता सुदन गुरुङ र अधिवक्ता ओमप्रकाश अर्यालसहितको टोली राष्ट्रपति निवास पुगेर अन्तिम छलफलमा सहभागी भएका थिए । संसद् विघटनबारे भने अझै पूर्ण सहमति बनेको छैन।
स्रोतका अनुसार जेनजी आन्दोलनको दबाब र सेना प्रमुख अशोकराज सिग्देलद्वारा संकटकाल घोषणा हुन सक्ने चेतावनीपछि राष्ट्रपति पौडेल आफ्नो अडानबाट पछि हटेका हुन्। प्रधानमन्त्री केपी शर्मा ओलीले भदौ २३–२४ को जेनजी आन्दोलनपछिको चापका कारण मंगलबार राजीनामा दिएका थिए, जसलाई सोही दिन राष्ट्रपति पौडेलले स्वीकृत गरेका थिए।
प्रकाशित मिति: २७ भाद्र २०८२, शुक्रबार
