२५ भाद्र २०८२, बुधबार
काठमाडौँ । हालको असामान्य अवस्थालाई नियन्त्रणमा लिन सरकारले आज भाद्र २५ गते बेलुकी ५ बजेसम्म देशभर निषेधाज्ञा र त्यसपछि भोलि बिहान ६ बजेसम्म कर्फ्यु लागू गरेको छ। परिस्थितिअनुसार आदेश थप लम्ब्याइने वा परिवर्तन गरिनेछ।
नेपाली सेनाले जनधनको क्षतिप्रति दुःख व्यक्त गर्दै आन्दोलनको आवरणमा तोडफोड, आगजनी, लुटपाट, हिंसा र बलात्कारसम्मका गतिविधि हुन सक्ने भन्दै सचेत रहन नागरिकलाई अपिल गरेको छ।
निषेधाज्ञा र कर्फ्यु अवधिमा एम्बुलेन्स, दमकल, शववाहन, स्वास्थ्यकर्मी र सुरक्षाकर्मीका सवारी साधन मात्र सञ्चालनमा रहनेछन्। अन्य गतिविधिलाई दण्डनीय अपराध मानेर कडाइका साथ कारबाही गरिने चेतावनी सेनाले दिएको छ।
साथै, अफवाहमा नलाग्न, आधिकारिक सूचना मात्र मान्न, राष्ट्रिय एकता र सद्भाव जोगाउन सबैलाई आग्रह गर्दै सेनाले जनताको सुरक्षा र उद्धारमा निरन्तर प्रतिबद्ध रहने विश्वास दिलाएको छ।
प्रकाशित मिति: २५ भाद्र २०८२, बुधबार
