२४ भाद्र २०८२, मंगलवार
काठमाडौं। प्रहरी हस्तक्षेपमा टर्कीको विपक्षीको इस्तानबुल कार्यालय ट्रस्टीद्वारा कब्जा गरिएको हो ।
मुख्य विपक्षी रिपब्लिकन पिपुल्स पार्टीको इस्तानबुल प्रान्तीय शाखाका लागि अदालतले नियुक्त ट्रस्टी गुर्सेल टेकिनले सोमवार भारी प्रहरी हस्तक्षेपमा पदभार ग्रहण गरेका हुन् । अदालतले पार्टीको प्रान्तीय कंग्रेसलाई खारेज गर्ने फैसला गरेपछि कब्जा गरिएको हो । आईतवार रातिदेखि सिएचपीका सांसदहरू र समर्थकहरूले प्रान्तीय मुख्यालयमा धर्ना दिएका थिए । पार्टी नेता ओजगुर ओजेलले पूर्व प्रान्तीय अध्यक्ष टेकिनलाई प्रवेश गर्नबाट रोक्नको लागि आह्वान गरेका थिए ।
प्रहरीले मुख्यालयभित्र सांसदहरूसहित पार्टीका सदस्यहरूलाई तितरबितर पार्न अश्रुग्यास प्रयोग गर्दा तनाव बढ्यो । हल्क टिभीद्वारा प्रशारित प्रत्यक्ष फुटेजमा धेरै मानिसहरू ग्यासबाट प्रभावित भएको देखाइएको छ । टर्कीको एक अदालतले सेप्टेम्बर २ मा २०२३ मा आयोजित पार्टीको इस्तानबुल प्रान्तीय महाधिवेशनलाई रद्ध गर्यो । अनियमितताको आरोपमा प्रान्तीय अध्यक्ष ओजगुर सेलिक र उनको प्रशासनलाई पदच्युत गर्यो । ओजेलले नागरिकहरूलाई टेकिनको प्रवेशको प्रतिरोध गर्न मुख्यालयमा भेला हुन आह्वान गरेका छन् ।
प्रतिक्रियामा प्रहरीले नजिकैका सडकहरू बन्द गर्यो र इस्तानबुल गभर्नरको कार्यालयले बुधवार साँझसम्म वरपरका जिल्लाहरूमा प्रदर्शनमा तीन दिनको प्रतिवन्ध लगाएको छ ।
प्रकाशित मिति: २४ भाद्र २०८२, मंगलवार
