रुपन्देहीमा पनि कर्फ्यू आदेश जारी

रुपन्देही । रुपन्देहीमा सुरक्षा संवेदनशीलता बढेपछि जिल्ला प्रशासन कार्यालयले आज अपराह्न ४ बजेदेखि भोलि राति १० बजेसम्म कर्फ्यू आदेश जारी गरेको छ।

जिल्ला प्रशासन कार्यालयका अनुसार बुटवलदेखि भैरहवा क्षेत्रमा तोकिएका सीमाभित्र कुनै पनि सभा, जुलुस, प्रदर्शन, भीडभाड र आवतजावत गर्न नपाइने व्यवस्था गरिएको छ।

कर्फ्यू बुटवल क्षेत्रमा पूर्वमा पेट्रोल पम्प धागो कारखानाको पुलदेखि, पश्चिममा बेलहिया चौकसम्म, उत्तरमा सिद्धार्थ खोलासम्म र दक्षिणमा माङ्गलापुरसम्म र भैरहवा क्षेत्रमा पूर्वमा रोहिणी खोलाको पुलदेखि, पश्चिममा बैरीया पुलसम्म, उत्तरमा बुढौचोकसम्म र दक्षिणमा मेडिकल क्याम्पससम्म। साथै बुटवल–बेलहिया सडक खण्डको दायाँ–बायाँ १०० मिटरभित्र कर्फ्यू लागू हुनेछ।

प्रशासनले सर्वसाधारणलाई कर्फ्यूको पूर्ण पालना गर्न अनुरोध गरेको छ।