२२ भाद्र २०८२, आईतवार
काठमाडौँ । आज भदौ २२ गते शुक्ल पूर्णिमाको दिन खग्रास चन्द्रग्रहण लाग्दै छ ।
नेपाल पञ्चाङ्ग निर्णायक विकास समितिका अनुसार राति १० बजेर ११ मिनेटदेखि सुरु हुने ग्रहण १ बजेर ४१ मिनेटमा अन्त्य हुनेछ । करिब साढे तीन घण्टासम्म देखिने यो ग्रहण नेपाल, भारतसहित एशिया, पश्चिम अष्ट्रेलिया र युरोपका ८५ प्रतिशत जनसंख्याले अवलोकन गर्न सक्नेछन् । चन्द्रग्रहणका बेला चन्द्रमा रातो देखिने भएकाले यसलाई ‘ब्लड मुन’ भनिन्छ ।
वैज्ञानिक दृष्टिले यो सामान्य खगोलीय घटना भए पनि धार्मिक मान्यताअनुसार ग्रहणलाई अशुभ मानिन्छ ।
प्रकाशित मिति: २२ भाद्र २०८२, आईतवार
