हरितालिका तिज मनाइँदै (तस्बिरहरु)

काठमाडौं। आज देशभरका महिलाले हरितालिका तीज व्रत उत्साहपूर्वक मनाइरहेका छन्।

हरितालिका तीजलाई विशेषगरी पवित्र व्रत, उपवास र शिव–पार्वतीको आराधना गर्ने दिनका रूपमा लिइन्छ। विवाहिता महिलाले श्रीमानको दीर्घायु र पारिवारिक सुख शान्तिका लागि व्रत बस्छन् भने अविवाहित युवतीहरूले आदर्श जीवनसाथीको प्राप्तिका लागि यो पर्व श्रद्धासाथ मनाउने गर्छन्।

धार्मिक विश्वासअनुसार, देवी पार्वतीले भगवान शिवलाई पतिरूपमा पाउन कठोर तपस्या गरेर यही दिन सफल भइन्। त्यसयता यो पर्व महिलाहरूबीच “समर्पण, धैर्य र आस्थाको प्रतीक” का रूपमा स्थापित भएको छ।