९ भाद्र २०८२, सोमबार
काठमाडौँ।चीनको स्वदेशी ‘हाइकिन’ शनिबार बिहानको समुद्री परीक्षणमा ४,१४० मिटर गहिराइसम्म पुगेको बताइएको छ ।
चीनले स्वदेशमै विकास गरेको ६,००० मिटर गहिराइसम्म पुग्न सक्ने रिमोटली अपरेटेड भेइकल (आरओभी) ‘हाइकिन’ले दक्षिण चीन सागरमा गहिरो समुद्री यात्रा सफलतापूर्वक सम्पन्न गरेको छ। साङ्घाई जियाओ तोङ विश्वविद्यालयद्वारा डिजाइन र निर्मित यो डीप-सी इलेक्ट्रिक आरओभी प्रणाली ‘हाइकिन’ले शनिबार बिहानको समुद्री परीक्षणमा ४,१४० मिटर गहिराइसम्म पुगेको बताइएको छ ।
उच्च-गुणस्तरको क्यामेरा, रोबोटिक हात, सोनार प्रणाली र सेन्सरहरूले सुसज्जित यो आरओभीले स्वचालित दिशा नियन्त्रण र सटीक होभरिङ जस्ता क्षमताहरू प्रदर्शन गरेको छ।
३.६ टन वजनको यो आरओभीले गहिरो समुद्रबाट जैविक नमूनाहरू संकलन गरि माथिल्लो सतहमा ल्याएको छ। संकलित नमूनाहरूलाई सहयोगी अनुसन्धान जहाज ‘झोङ शान दा श्वे’मा ल्याइएको छ।
यो परिक्षण पहिलो हो जहाँ दुई फरक डीप-सी मानवरहित सबमर्सिबलहरूले एकल चिनियाँ अनुसन्धान जहाजमार्फत समन्वयित वैज्ञानिक सञ्चालन गरेका थिए ।
यो सफलताले चीनको गहिरो समुद्री अनुसन्धानमा स्वदेशी प्रविधिको क्षमता र समुद्री विज्ञानमा नयाँ आयाम थप्ने सम्भावनालाई बलियो बनाएको छ।
प्रकाशित मिति: ९ भाद्र २०८२, सोमबार
