६ भाद्र २०८२, शुक्रबार
काठमाडौँ । सर्वोच्च अदालतमा दर्ता भएको “प्रधानमन्त्रीलाई विश्वासको मत लिनुपर्ने” मागसहितको रिटमा आज पेसी तोकिएको छ।
अधिवक्ता वीरेन्द्र केसीले बिहीबार दायर गरेको उक्त रिटमा प्रधानमन्त्री केपी शर्मा ओली, प्रधानमन्त्री तथा मन्त्रिपरिषद् कार्यालय, सभामुख देवराज घिमिरे, सङ्घीय संसद् सचिवालय र राष्ट्रपति कार्यालयलाई विपक्षी बनाइएको छ।
उक्त रिटको आधार जनता समाजवादी पार्टी, नेपालले ३२ असार, २०८२ मा सरकारलाई दिएको समर्थन फिर्ता लिएको निर्णय हो। जसपछि अधिवक्ता केसीले प्रधानमन्त्री ओलीले संसदबाट विश्वासको मत लिनुपर्ने मागसहित अदालतको ढोका ढक्ढक्याएका हुन्।
प्रकाशित मिति: ६ भाद्र २०८२, शुक्रबार
