१९ श्रावण २०८२, सोमबार
काठमाडौँ । कोरोना संक्रमण घटेको आँकलन भइरहँदा पछिल्लो एक सातामा देशभर १० नयाँ संक्रमित फेला परेका छन्।
स्वास्थ्य सेवा विभाग अन्तर्गतको इपिडिमियोलोजी तथा रोग नियन्त्रण महाशाखा (इडिसिडी) ले सार्वजनिक गरेको तथ्यांक अनुसार हाल नेपालमा सक्रिय कोभिड संक्रमितको संख्या ४२१ पुगेको छ।
प्रदेशगत विवरण अनुसार, सबैभन्दा धेरै बागमती प्रदेशमा ७ जना नयाँ संक्रमित भेटिएका छन्। कोशी, कर्णाली र सुदूरपश्चिम प्रदेशमा भने एक-एक जना संक्रमित पुष्टि भएका छन्।
सरकारले कोभिड संक्रमण नियन्त्रणका लागि सतर्कता अपनाउन आग्रह गरिरहेको छ। संक्रमणको जोखिम कायमै रहेकाले मास्क प्रयोग, भीडभाडमा दूरी कायम राख्न र समय समयमा हात धुनेजस्ता स्वास्थ्य सुरक्षाका मापदण्ड पालनामा सचेत हुन विज्ञहरूले सुझाव दिएका छन्।
सन २०२५ जनवरी १ यता कोभिड संक्रमणका कारण नेपालमा ३ जनाले ज्यान गुमाइसकेका छन्।
प्रकाशित मिति: १९ श्रावण २०८२, सोमबार
