१४ श्रावण २०८२, बुधबार
एजेन्सी। घानाका राष्ट्रपति जोन ड्रामानी महामाले अफ्रिकी नेताहरूलाई समावेशी शासन र आफ्ना नागरिकहरूको नागरिक स्वतन्त्रताको संरक्षणको लागि बलियो जग निर्माण गर्न आह्वान गरेका छन् ।
घानाको राजधानी आक्रामा आयोजित १३ औं अफ्रिकी संघको लोकतन्त्र, शासन र मानव अधिकार सम्बन्धी उच्च–स्तरीय संवादको उद्घाटनमा महामाले उक्त टिप्पणी गरेका हुन् । महामाले अफ्रिकी नेताहरूलाई ठोस कार्यका साथ आफ्नो लोकतान्त्रिक र शासन प्रतिवद्धताहरूलाई समर्थन गर्न पनि आग्रह गरे ।
महामाले युवा र सीमान्तकृत समूहहरूको विश्वास पुनर्निर्माण गर्न महादेशभर परिवर्तनकारी नेतृत्व र समावेशी विकासको आवश्यकतामा जोड दिए ।
प्रकाशित मिति: १४ श्रावण २०८२, बुधबार
